Үг гэдэг зөвхөн тодорхойлолт биш. Үг гэдэг сэтгэлийн хөдөлгөөнийг удирддаг.

Бизнес эрхлэгчдийн хэрэглэгчиддээ хэлж болохгүй, хэрэглэгчдийн үзэн яддаг 5 үгийг нээн илрүүлсэн юм.

1. "Заах"

Жишээ: "Хэдэн цагийн дараа би заагаад өгье..."

Яагаад хэрэглэгчид үзэн яддаг вэ: "Заах" гэхээр л ахлах сургуулийн багш ямар нэгэн сонирхолгүй зүйлийг дахин дахин давтан хэлэх дүр зураг тархинд үлдсэн байдаг.

Юу гэж хэлэх вэ: "Үүний талаар би хуваалцъя.......”

Яагаад энэ үгийг хэрэглэх хэрэгтэй вэ: "Хуваалцах" гэж хэлэх нь өөртөө хадгалж буй үнэ цэнэтэй зүйлийн талаар ярьж буй мэт сэдлийг төрүүлдэг.

2. "Сурах"

Жишээ: "Энэ чуулганаар та сурах болно..."

Яагаад хэрэглэгчид үзэн яддаг вэ: "Сурах" гэдэг нь бизнесийн ертөнцөд шаардагдах цаг хугацаа, энергийг золиослодог.

Юу гэж хэлэх вэ: "Энэ чуулганаар та олж мэдэх болно..."

Яагаад энэ үгийг хэрэглэх хэрэгтэй вэ: "Олж мэдэх, нээн илрүүлэх" гэж хэлэх нь ямар нэгэн хүчин  чармайлт шаардагдахгүй мэт мэдрэмжийг төрүүлдэг.

3. "Дэлгэрэнгүй"

Жишээ: "Хэрэв та сонирхвол би илүү дэлгэрэнгүй мэдээллийг хэлж өгье."

Яагаад хэрэглэгчид үзэн яддаг вэ: "Дэлгэрэнгүй," гэх нь чухал биш энгийн гэх зүйлийн тодотгол болдог.

Юу гэж хэлэх вэ: "Хэрэв та сонирхвол нэмэлт ойлголтыг хуваалцъя..."

Яагаад энэ үгийг хэрэглэх хэрэгтэй вэ: "Ойлголт" гэдэг нь цор ганц үнэ цэнэтэй гэсэн утгыг илэрхийлнэ.

4. "Судалгааны жишээ"

Жишээ: "Манай вэбсайтад үүнийг харуулсан судалгааны жишээ бий..."

Яагаад хэрэглэгчид үзэн яддаг вэ: "Cудалгааны жишээ" гэдэг нь академик түвшний, эрдэм шинжилгээний яриа гэсэн утгыг илэрхийлдэг учир сонсохын төдийд уйдаж эхэлдэг байна.

Юу гэж хэлэх вэ: "Манай вэбсайт үүнийг харуулсан амжилттай түүхүүд бий..."

Яагаад үүнийг хэрэглэх хэрэгтэй вэ: Түүх ярих нь хүн бүхний хийдэг зүйл. Хүн болгон түүхийн эхлэл, өрнөл, аз жаргалтай сайн төгсгөл болох амжилтын талаар сонсох дуртай байдаг.

5. "Баталгаа"

Жишээ: "Бид мөнгөө буцаах баталгаа санал болгож байна..."

Яагаад хэрэглэгчид үзэн яддаг вэ: Баталгаа гэдэг нь дамын худалдааны шинж тэмдгийг илэрхийлдэг байна.

Юу гэж хэлэх вэ: "Бид таны мөнгийг эргэн болгоно..."

Яагаад энэ үгийг хэрэглэх хэрэгтэй вэ: "Эргэн олгох" гэдэг нь үйлчлүүлэгчдэд амлах амлалт болдог.