Шинээр бизнес эхлүүлэх нь мэдээж амаргүй даваа. Зорилго, зах зээлээ тодорхойлж, сорилт бэрхшээлийг урьдчилан тооцоолохгүйгээр бизнес эхлүүлэх нь бараг боломжгүй юм. Үүний нэгэн адил, та нэн тэргүүнд зарим чухал чадварыг эзэмшихгүйгээр бизнесээ амжилттай удирдаж зорилгодоо хүрэхэд хэцүү байх болно.

Аливаа бизнес эрхлэгчдийн мэдэх ёстой хамгийн чухал ур чадваруудыг оруулав.

1. MICROSOFT EXCEL, POWER BI

Эдгээр програмууд өнөөгийн бизнесийн хамгийн чухал програмуудын нэг. Зөвхөн хүснэгтийн програмаас хязгаарлахгүй өгөгдлийн дүн шинжилгээ хийх, санхүүгийн урьдчилсан мэдээ гаргах, өгөгдөл, шийдэлд суурилсан бизнес эрхлэхэд шаардлагатай бусад олон зүйлийг хийхэд тань тусалдаг.

2. ОЛОН НИЙТИЙН ИЛТГЭЛ

Бизнес эрхлэгчид бүтээгдэхүүн, үйлчилгээгээ бусдад худалдах чадвартай байх ёстой. Хөрөнгө оруулагчид, ажилчид эсвэл боломжит худалдан авагчдад хандсан эсэхээс үл хамааран олон нийтийн өмнө ярих нь чухал хөрөнгө оруулалт байх болно. Ярианы чадвараараа хүмүүсийн алсын харааг ойлгож,  тэдэнд урам зориг өгөх болно.

3. БИЗНЕС ТӨЛӨВЛӨГӨӨ БОЛОВСРУУЛАХ

Бизнес төлөвлөгөө нь бизнесээ зорилгоо тодорхойлж, түүндээ хэрхэн хүрэх талаар дэлгэрэнгүй гаргаж цаашдын чиглэлийг тодорхой болгодог. Бизнес төлөвлөгөө нь ихэвчлэн шинэ бизнест зориулагдсан байдаг. Уг төлөвлөгөөнд тус компанийн үйл ажиллагааны, санхүүгийн болон маркетингийн чиглэлүүд багтсан болно.

4. МЭДЭЭЛЛИЙН ШИНЖЛЭХ УХААН

Мэдээлэл нь бизнес дэх бүх зүйлийг хөтөлнө. Бизнес эрхлэгчийн хувьд, та өгөгдлийг амжилттай загварчилж, ойлгож чадвал бусдаас хэдэн алхмын өмнө байна гэсэн үг. Шинжээч хөлслөх шаардлагагүй мөнгө хэмнэхээс гадна бизнесийн талаар мэдээлэлтэй шийдвэрүүдийг шууд гаргах чадвартай болно.

5. ФЕЙСБҮҮК МАРКЕТИНГ

Фэйсбүүк бол дэлхий дээрх хоёр дахь том сурталчилгааны платформ бөгөөд энэ нь бизнес эрхэлж буй аливаа бизнес эрхлэгчдэд зориулсан гол хэрэгсэл юм. Фэйсбүүк маркетингийн стратеги боловсруулан амжилттай хэрэгжүүлснээр  таны  бизнес урт удаан хугацаанд оршин тогтнох болно.

6. ХАЙЛТЫН СИСТЕМИЙГ ОНОВЧТОЙ БОЛГОХ /SEO/

Танд бизнесээ эхлүүлэхэд хангалттай хэмжээний их мөнгө байхгүй бол төлбөртэй сурталчилгаа танд тохирохгүй. Хайлтын системийн оновчлол (SEO) нь ихэвчлэн үнэ төлбөргүй байдаг бөгөөд агуулгыг хэрхэн онлайн болгох талаар техникийн ойлголттой байхыг шаарддаг. Энэ нь веб хуудсаа Google-ийн хайлтын хуудасны дээд хэсэгт хэрхэн байрлуулах зэргийг харуулдаг.

7. QUICKBOOKS ПРОГРАММ

QuickBooks бол зах зээл дээрх хамгийн шилдэг нягтлан бодох бүртгэлийн програм хангамж. Та QuickBooks-ийг үр дүнтэй ашигласнаар өөрийн санхүүгийн болон нягтлан бодох бүртгэлийн бүх хэрэгцээг хангаж, улмаар нягтлан бодох бүртгэлийн үйлчилгээнд мөнгө хэмнэх боломжтой болно. Энэ нь бараа материал, нийлүүлэгчийн төлбөр, нэхэмжлэх гэх мэт олон зүйлийг хянах боломжтой.

8. МЕНЕЖМЕНТИЙН ҮНДСЭН УР ЧАДВАР

Шилдэг бизнес эрхлэгчид суралцахаа хэзээ ч зогсоохгүй. Менежментийн ур чадвар гэдэг нэр томьёо нь бусдад амжилттай нөлөөлөх чадварыг илэрхийлдэг. Менежментийн ур чадварыг хөгжүүлэх нь таны компани төдийгүй танай салбарт нөлөөллийн хүрээг өргөжүүлэх түлхүүр юм. Удирдлага хүн менежментийн үндсэн ур чадваруудыг зайлшгүй эзэмшсэн байх шаардлагатай.