ГҮЙХИЙН АЧ ТУС ХЭР ИХ ВЭ?

     Судалгаанаас харахад гүйлтийнхээ үр шимийг хүртэхийн тулд хол эсвэл хурдан гүйх шаардлагагүй, тэр ч байтугай ойр ойрхон гүйх шаардлагагүй ажээ.

   Жишээлбэл, Британийн спортын анагаах ухааны сэтгүүлээс 2019 оны 11-р сарын 4-ний өдөр нийтэлсэн мета-анализаас үзэхэд, 232,000 гаруй хүн оролцсон 14 судалгааг судалж үзээд долоо хоногт нэг удаа 50 минутаас бага хугацаанд гүйх нь эрүүл мэндэд ихээхэн ач тустай болохыг тогтоожээ. Энэ нь зүрх судасны өвчин, хорт хавдар гэх мэт нас барахад хүргэх өөр олон олон өвчлөлийн эрсдлийг багасгаж байсан байна.

   Танд гүйлтийн ямар ч туршлага байхгүй байх нь зүгээр, ‘гүйлт’ гэхээрээ их мэргэжлийн ч гэх үү, хүнд сонстож байж болох юм гэхдээ туршаад үзээрэй. Олон хүн гүйлтийг тэдний зүйл биш хэмээн хэлдэг гэвч бид алхаж чадаж байгаа бол гүйж ч мөн чадах билээ.  

ГҮЙЛТ БОЛОН АЛХАЛТ 

    Гүйлтийг хөнгөвчлөх хялбар арга бол гүйх-алхах хөтөлбөр юм. Гүйх-алхах үед, та богино хугацаанд өөрийн чадах хүртэлээ гүйгээд тэгээд дахин сэргэх хүртэлээ алхана. Тодорхой гүйх зай эсвэл хугацааны турш энэ үйлдлээ давтана. Үүний гол зорилго бол алхах хугацаагаа багасгах, гүйж буй хугацаагаа аажмаар уртасгах улмаар нийт 20-25 минут хүртэл тасралтгүй гүйж чаддаг болох юм.

Эхлэх программ иймэрхүү үргэлжилбэл зүгээр:

• 1-2 минут тасралтгүй гүйн тамирдаад ирхээрээ 4-5 минут хэвийн болтлоо алхах
• Дээрхийг 5 удаа давтах
• Энэ дасгалаа 7 хоногийн 2 өдөр дарааллан хийх

    1-2 долоо хоногийн дараа гүйх хугацаагаа 3-4 минут, алхах хугацаагаа 2-3 минут болгоорой. Тэгээд энэ загвараа 4-5 удаа давтах. Үүний дараагаар та 20-25 минут гүйж чаддаг болсныхоо дараа өөрийнхөө дасгалын зорилгод нийцүүлэн хугацаагаа тохируулан яваарай.

    Гүйлт бол хувь хүнээс тодорхой чиглэл болон хүрэх ёстой хүлээлт тавьсан байхыг шаарддаггүй ч тухайн хүний чармайлттай шууд холбоотой үйл билээ. Тиймээс та туршаад үз, магадгүй гүйлтэнд зарцуулж буй цаг тань хамгийн гайхалтай мөн зөв хөрөнгө оруулалт байхыг үгүйсгэхгүй шүү дээ.