Та нэг удаа ч болов харилцуураа тасалж эсвэл уулзалтаа орхиж, дотроо “Энэ хүн юугаа яриад байваа” гэж бодон уурлах нь хэвийн аюулгүй үзэгдэл гэж хэлэх байна.
Тодорхой бөгөөд үр дүнтэй бодит харилцаа нь ажлын байрны стрессийг бууруулах, ажлын бүтээмжийг дээшлүүлэх, хамтран ажиллагсадтайгаа илүү сайн харилцаа холбоо тогтоох хамгийн хялбар аргуудын нэг юм. Гэхдээ өөрөөсөө өөр харилцааны хэв маягтай хүнтэй харьцахад заримдаа маш хэцүү, бараг л өөр гараг дээр ирсэн юм шиг эвгүй санагддаг нь үнэн.
Аtlassian-ы олон янз ялгаатай байдал болон соёлын хамаарлын тэргүүн Обри Бланшийн бичсэнчлэн: Хүмүүсийн харилцааны хэв маягийн ялгаа нь ихэвчлэн хэрэгцээ, туршлага гэхээсээ илүү шаналал, ойлгомжгүй байдал бий болгож байдаг. Янз бүрийн үзэл бодолтой, янз бүрийн хүмүүстэй хамтарч ажиллах нь бидэнд ашигтай байдаг. Гэхдээ тэдний санал болгож буй бүх зүйлийг ашиглахын тулд бид ижил хэлээр ярьж эхлэх хэрэгтэй.
Ажил дээрх харилцааны янз бүрийн хэв маягийг ойлгох хамгийн хялбар аргуудыг, мөн юу ярихаас, хэнтэй ярихаас үл хамаарч өөрийгөө хэрхэн бусдад бүрэн ойлгуулж сонсгох талаар авч үзье.
ХАРИЛЦААНЫ ӨӨР ӨӨР ХЭВ МАЯГУУД
Ажлын өдрийн 80% -ийг бид уулзалт, утас, имэйлд хариу өгөхөд зарцуулдаг гэсэн судалгаа гарсан бөгөөд ажлын байран дахь амьд харилцаа холбоо үргэлж амар хялбар байдаггүй. Мөн тааламжтай байх нь ч ховор байдаг.
2016 оны Харвардын Бизнесийн тоймоос харахад менежерүүдийн 69% нь ажилчидтайгаа харьцахад таагүй байдаг гэж хариулсан байдаг.
Ажлын байран дээрх ихэнх хямрал зөрчилдөөн харилцааны янз бүрийн хэв маягийг шийдвэрлэхэд үүсэн бий болж байдаг. Өөрөөс тань өөр хэв маягаар ярьдаг хүмүүстэй харьцах нь таныг шууд стресст оруулдаг. Энэ нь таны ажлын цаг хугацааг хороохоос гадна, сэтгэлээр унах, уурлах, бухимдах мэдрэмжийг төрүүлдэг.
ТЭГВЭЛ АЖЛЫН БАЙРНЫ ЭНЭ ЭМХ ЗАМБАРААГҮЙ БАЙДЛЫГ ХЭРХЭН ЗАСАЖ ШИЙДВЭРЛЭХ ВЭ?
Таны хувьд өөр санагдаж байгаа харилцааны хэв маяг тухайн хүндээ бол хэвийн зүйл бөгөөд харин түүнд таны хэв маяг хэвийн бус санагдах боломжтойг ойлгох хэрэгтэй. Өөр өөр харилцааны хэв маягийг ойлгоно гэдэг нь өөрөө маш том сорилт юм шүү.
Google-ээс харилцааны хэв маягууд гээд хайгаад үзвэл та хэдэн классик гэмээр хэв маягуудыг олж харах болно. Үүнд: өөртөө итгэлтэй, дээрэнгүй, хүлцэнгүй, хүлцэнгүй бөгөөд түрэмгий зэрэг хэв маягууд орно. Мөн DISC гэх ойлголтыг ч та түлхүү олж харах болно. Энэ нь Dominant буюу ноёрхогч, Influencer буюу нөлөөлөгч, Steady буюу тогтвортой бат бөх, Conscientious буюу үнэнч шударга гэх үгсийн товчлол юм. Та эдгээрийг ойлгож мэдэж авснаар харилцаандаа илүү өөрөөр хандаж, бусдын талаарх үзэл бодол тань өөрчлөгдөж эхлэх болно.
Тухайн хүнийхээ үнэ цэнэтэй чанарыг илүүтэй олж харах нь хандлагаа өөрчлөх процессыг хялбар болгодог. Хамгийн хэцүү нь, тухайн хүнтэй бид хэрхэн харилцах ёстой талаар тухайн хүн тийм ч их мэдээлэл өгдөггүй.
АЖИЛ ДЭЭРЭЭ ХЭРЭГЖҮҮЛЖ БОЛОХ ХАРИЛЦААНЫ ШИНЭ ХЭВ МАЯГ
Шилдэг борлуулалттай номын зохиолч, манлайлагч, дасгалжуулагч Марк Мурфигийн тодорхойлсон харилцааны хэв маягуудтай би хамгийн их санал нийцдэг бөгөөд их ч ашигладаг. Үүнд: Судалгааны задлан шинжээч, Зөн билэг дээр суурилсан таамаглагч, Ажил үүргийн буюу албан харилцагч, Хувийн шинж чанартай харилцагч зэрэг орно.
Мурфигийн арга барил нь хэв маяг бүрийн гол мэдээлэл болон хэрхэн эдгээрийг хамгийн сайн эзэмшиж болох талаар голлон анхаардаг.
Түүний тайлбарласнаар “Хэний ч харилцааны хэв маяг бусдаасаа илүү дээр байна гэж байхгүй, бүгд өөр өөртөө зөв. Гэхдээ нэг эсвэл нэг мянган хүнтэй харьцах эсэхээс үл хамааран харилцааны хэв маягаа буруу сонговол хэн ч таныг сонсохгүйгээс гадна, тэрнээс ч дор асуудлууд үүсэж болзошгүй. Тиймээс бусад хэв маягуудыг ойлгож, суралцаж, аль болох уян хатан байх хэрэгтэй.”
Мурфигийн харилцааны хэв маяг тус бүрийн шинж чанарыг авч үзье. Хүмүүс юуг хүлээн зөвшөөрдөг, юуг хүлээн зөвшөөрдөггүй талаар мөн танаас өөр харилцааны хэв маягтай хүмүүстэй хэрхэн үр дүнтэй харилцах талаар харцгаая.
1. СУДАЛГААНЫ ЗАДЛАН ШИНЖЭЭЧ: НОТОЛГООНД ДУРЛАГСАД, ТОДОРХОЙЛОГДСОН ҮҮРЭГ ДААЛГАВАР БИЕЛҮҮЛЭХ ДУРТАЙ
Харилцааны Аналитик хэв маягтай бол та хатуу өгөгдөл, тоо, тодорхой зүйлс болон хэл шинжлэлд дуртай. Иймээс та бүдэг бадаг тодорхойгүй яриатай, логиктой ярианаас сэтгэл хөдлөл ихтэй яриа руу шилждэг хүмүүсээс ихэвчлэн болгоомжилдог.
Мурфигийн өгч буй нэг жишээ: Нэгэн борлуулагч уулзалтад оролцож, "борлуулалт эерэг байна" гэсэн мэдэгдэл сонсжээ. Тэрээр “Эерэг гэдэг нь юу гэсэн үг вэ? 5.2% эсвэл 8.9% үү? Надад тодорхой тоо өгөөч! Гэж хэлсэн гэдэг.
Аналитик харилцааны хэв маягтай байхын нэг давуу тал нь тухайн хүний бусадтай харилцах харилцаа холбоо нь ихэнхдээ логик, сэтгэл хөдлөлгүй байдаг тул аливаа асуудалд цаг үрэх нь бага байдаг байна. Гэсэн хэдий ч бас нэг сул талтай. Хэн нэгэн тантай тодорхойгүй зүгээр л өөр бусад сэдвээр ярилцах үед та хүйтэн хөндий мэдрэмж авч, хүндхэн байдалд орж магадгүй юм.
Аналитик хэв маягтай хүнтэй харьцах нь:
Туршиж үзэх:
Зайлсхийх:
2. ЗӨН БИЛЭГ ДЭЭР СУУРИЛСАН ТААМАГЛАГЧ: АЛИВААГ ТОМ ЗУРГААР НЬ ХАРДАГ
Зөн совингийн харилцааны хэв маяг нь аналитик харилцааны хэв маягийн эсрэг тал нь байдаг.
Мэдээлэл, тодорхой алхмуудад анхаарал хандуулахын оронд зөн совинтой харилцааны хэв маяг нь аливааг томоор харж, мэдрэмжид цэцэглэн хөгждөг. Шугаман дараалал, алхам алхмын зааварчилгаа, дэлгэрэнгүй мэдээлэл зэрэг нь тэдэнд чухал биш. Үүний оронд тэд хамгийн чухал зүйл рүү шууд алгасах боломжийг эрэлхийлдэг бөгөөд том зураглал, таамаг, аз сорьсон зүйлд дуртай.
Хэрэв та бусдаас асуудалд хандах хандлага, сэтгэл болон харилцааны явцад хурдан түргэн хариулт хүсдэг бол ийм харилцааны хэв маягтай хүн танд яг тохирно.
Таамаглагч нэгэнтэй харьцах нь:
Туршиж үзэх:
Зайлсхийх:
3. ФУНКЦИОНАЛ ХЭВ МАЯГ: НЭГ ДАРААЛЛААР АЖИЛЛАХ
Харилцаа холбооны функционал хэв маягтай хүний хувьд та үйл явцад дуртай байдаг.
Ийм төрлийн хүмүүс аливааг алхам алхмаар хийх гарын авлага, дэлгэрэнгүй мэдээлэл, цаг хугацаа тооцоолох, төлөвлөгөө гаргах дуртай байдаг. Тэд өөр хүнтэй ярилцаж байхдаа аливаа нэг зүйлийг орхигдуулах гүйн тулд эхнээс нь дуустал нарийвчлан судалж үзэхийг хүсдэг байна.
Мэдээжийн хэрэг, ажлын байран дээр харилцааны энэхүү функционал хэв маяг нь маш их ашиг тусаа өгөх болно. Гэсэн хэдий ч, энэ нь таныг жаахан уйтгартай нэгэн болгож орхидог байна.
Функционал буюу ажил хэргийн хэв маягтай хүнтэй харьцах нь:
Туршиж үзэх:
Зайлсхийх:
4. ХУВИЙН ШИНЖ ЧАНАРТАЙ ХАРИЛЦАГЧ: МЭДЭЭЛЭЛ СОЛИЛЦОХ, ЗӨВЛӨХ ДУРТАЙ
Ийм төрлийн хүмүүс сэтгэл хөдлөлийг бүхнээс чухалчилдаг. Эдгээр хүмүүс сайн сонсогч мөн агуу дипломатч болдог. Илүү хатуу харилцааны хэв маягийг үүсгэдэг асуудлуудыг арилгахад тусалдаг.
Ийм хүмүүсийг ихэвчлэн багийг нэгтгэдэг "цавуу" гэж үздэг. Тэд хүчтэй харилцаа холбоо тогтоож, харилцаа холбоог хүмүүстэй танилцах боломж гэж үздэг нь гайхалтай.
Харамсалтай нь, энэ нь хүн бүрд таалагдахгүй. Харилцаа холбооны бусад хэв маяг (аналитик гэх мэт) нь "мэдрэмж" дээр суурилсан мэдээлэл авах үедээ бухимддаг байна.
Хувийн хэв маягтай хүнтэй харьцах нь:
Туршиж үзэх:
Зайлсхийх:
АЖЛЫН БАЙРНЫ ХАМГИЙН ЧУХАЛ ЗҮЙЛСИЙН НЭГ НЬ ХАРИЛЦАА БӨГӨӨД ТА ХАРИЛЦААНЫ ХЭВ МАЯГИЙГ ОЙЛГОСНООР ӨӨРИЙГӨӨ БУСДАД ХҮЛЭЭН ЗӨВШӨӨРҮҮЛЖ ЧАДНА.
Харилцаа холбоо ажлын байранд хэр чухал болохыг дээр дурдсан. Байгууллагын ажилчид зургаан минут тутамд имэйл эсвэл имэйлээ шалгадаг бол ихэнх хүмүүс харилцаа холбооны хэрэгсэлд сатааралгүйгээр өдөрт ердөө 1 цаг 12 минут төвлөрч, цагийг үр бүтээлтэй өнгөрөөдөг.
Илүү их амжилтад хүрэх эсэх нь таны бусадтай хэр ойлгомжтой, зөв харилцаж байгаагаас шалтгаална. Энэ нь мэдээж амаргүй. Гэхдээ эргэн тойрны хүмүүсийн харилцааны хэв маягийг ойлгосноор бид бусдад өөрийгөө сонсгох хүчтэй нөлөөтэй арга барилд суралцдаг байна.