Өдөрт дор хаяж арван минут төвлөрөх дасгал хийх нь гайхалтай үр дүнтэй болох нь судалгаагаар батлагдсан ч үүнийг хийх цорын ганц зөв зам гэж байхгүй.

~ Хэдхэн минутын дасгал нь хийхгүй байснаас илүү үр дүнтэй ~

Та ямар ч үед, юу ч хийж байсан төвлөрөх боломжтой гэдгийг битгий мартаарай. Хэд хэдэн удаа гүнзгий амьсгаа авч, анхаарлаа төвлөрүүлэн юу ч бодохгүй байхад л хангалттай.

HBR(Harvard Business Review)-ын мэргэжилтнүүдийн олон жилийн ажиглалтын үр дүнд хамгийн үр дүнтэй аргуудын жагсаажээ.

Өдөр тутамдаа төвлөрөх зуршилтай болох нь

1. Өдрийг зөв эхлүүл. Хүн өглөө сэрснийхээ дараа өдрийг хэрхэн давах талаар бодож зугтах чиг хандлагатай болдог.

2. Ажилдаа орохоосоо өмнө нүдээ аниад, биеэ суллан, цэх сууна. Бүх анхаарлаа амьсгал дээрээ төвлөрүүлэн хамраар явах амьсгалын урсгалыг мэдрээрэй.

3. Өглөө босоод цахим хаягаа бүү шалга. Энэ нь өдрийн үр бүтээлийг бууруулдаг тул дор хаяж ажил эхэлснээс 30 минутын дараа шалгаж үзэх хэрэгтэй.

4. Утас, таблет, компьютер дээрх мэдэгдлүүдээ унтраа. Эдгээр нь таны оюун санааг завгүй болгож, дарамтад оруулан хариу үйлдэл үзүүлэхэд хүргэнэ. Тиймээс 7 хоног мэдэгдлээ унтраагаад үзээрэй.

5. Ажил дээрээ цаг тутам дуугарах сэрүүлэг тавиарай. Энэ нь таныг хэт удаан төвлөрөх, ядаргаанаас ангижрахад тус болно. Мөн өдрийн аль үед 10 минут дасгал хийж хэвшиж болохоо тодорхойл

6. Өдөр тутмын үйл ажлаа жагсааж(сэрэх, цай уух, ажилдаа явах, нохойгоо салхилуулах, кофе гэх мэт) гарга. Хаана нь төвлөрөхөд тохиромжтойг олох хэрэгтэй.

7. Өөртөө зөөлөн хандах сэтгэлгээг дадлагажуул. Ажил дээрээ бүтэлгүйтээд, дотоод сэтгэлээс тань шүүмжлэгч дуу хоолой гарч эсвэл бусдыг буруутгаад эхэлбэл тайвширч аль болох эерэгээр хүлээж авч шийдэл бодож олох хэрэгтэй.

8. Хэт их үүрэг хариуцлага хүлээгээд байгаа мэт санагдвал зөвхөн та л энэ ажлыг хийж чадах хүн үү, үүнийг хийх ганц л арга байгаа юу эсвэл та үүнийг л хийхгүй бол компани сүйрэх үү гэж өөрөөсөө асуугаарай. Сонголт үргэлж байдаг юм шүү.

9. Гэртээ харихдаа арваас багагүй минутыг утас, хөгжим, радиогүй өнгөрөө. Бүх бодлоо орхиод, амьсгалдаа анхаарал хандуул. Ингэснээр та өдрийн бүх бухимдлаа гадагшлуулж, гэртээ хариад гэр бүлтэйгээ бүрэн дүүрэн байж чадна.

10. Бусад хүн таныг бодлыг нэвт харж чадна гэж сэтгэ. Тэгснээр бусдын талаар муу зүйл бодож чадахгүй харин гаргалгаа хайж эхэлнэ.

11. Огцом сэтгэл хөдлөлийн үед биеэ барьж, өөрийгөө хянаад, түр завсарла. Дэд албан тушаалтнуудад илүү хариуцлага хүлээх боломж олгож, тэднийг дэмжиж ажиллаарай.

12. Төвлөрч сурахыг хүссэн зорилго нэгтэй хүмүүс олон дадал сууж нэгнээ уриалж урамшуулаарай.

Илүү албан ёсны дасгалуудыг туршиж үзээрэй. Манлайллын шинжээч Эми Жен Су дараах зөвлөгөөг өгчээ:

• Бүх биеэ ажиглах бясалгал (биеийнхээ өөр өөр хэсэгт анхаарлаа хандуулан, ямар нэг хариу үйлдэл үзүүлэхгүйгээр биеийн мэдрэмжээ мэдрэх)
• Суугаа бясалгал
• Явган алхах бясалгал
• Тогтмол биеэ чийрэгжүүлэх (массаж, бариа засал хийлгэх г.м)
• Иог
• Тулааны урлаг

Эх сурвалж: Harvard Business Review