Сүүлийн 5 жилийн турш Форбес сэтгүүл АНУ- ын стартапуудад судалгаа хийн 1 тэрбум доллараар үнэлэгдэхүйц хамгийн хурдацтай хөгжиж буй 25 гарааны бизнесийг нэрлэсээр байна. Үүнд хоол хүргэлтийн компани болох DoorDash, үл хөдлөх хөрөнгө худалдагч Opendoor, аялалын цүнхний брэнд Away, биологийн компани болох Ginkgo Bioworks зэрэг багтжээ.

Харин энэ жил True Bridge Capital Partners –ын туслалцаатайгаар Форбесийнхэн дахин судалгаа хийж, илүү амжилттай, илүү содон стартапуудыг нэрлэсэн байна. TrueBridge ийнхэн 150 иад стартапуудын санхүүгийн тайланд анализ хийсэн бөгөөд харин үүнд нь Форбесийн сэтгүүлчид илүү нарийвчилсан судалгаа хийж, доорх гарааны бизнесүүдийн жагсаалтыг бий болгожээ. Уншигч танд доорх компаниудын үйл ажиллагаа маш сонирхолтой санагдана гэдэгт эргэлзэхгүй байна. Та ч бас тэднээс санаа аван өөрийн стартап-ыг үүсгэн байгуулж Монголын хөрсөн дээр буулгаж болно шүү дээ.

1. CHAINALYSIS/Цахим дүн шинжилгээ/

ҮҮСГЭН БАЙГУУЛАГЧ: Майкл Гронагер (CEO), Жонатан Левин, Жан Моллер

ХУВЬЦААНААС ОЛСОН АШИГ ОРЛОГО: 53 сая доллар

ТӨСВИЙН ОРЛОГО 2018:  8 сая доллар

ГОЛ ХӨРӨНГӨ ОРУУЛАГЧ: Accel, Benchmark

 

Нью-Йоркт төвтэй Chainalysis нь криптовалютыг/цахим валют/ хянах шалгах програм хангамжийг бий болгосон бөгөөд ингэснээр хүмүүс биткойн, эфир/платформ/, лайткойн болон бусад зүйлсийг хэрхэн ашиглаж байгааг үнэлэх боломжтой болох юм. Санхүүгийн байгууллагууд энэхүү технологийг ашиглан үйлчлүүлэгчдийг шалгаж, мөнгө угаахаас урьдчилан сэргийлэх зорилгоор дүрэм журмыг мөрдүүлж ажилладаг бол Дотоод орлогын алба, Холбооны мөрдөх товчоо зэрэг засгийн газрын агентлагууд хууль бус гүйлгээг илрүүлж, гэмт хэрэгт холбоотой нэгнийг сэжиглэн шалгаж, аливаа эрсдлээс урьдчилан сэргийлж чаддаг байна. Chainalysis-ийг байгуулахын тулд 49 настай Гүйцэтгэх Захирал Майкл Гронагер Кракен криптовалютын биржийг үүсгэн байгуулж байсан бол ТУЗ 47 настай Жан Моллер криптовалютын түрийвчийг бүтээжээ.

 

2.     CONTRAST SECURITY/Аюулгүй байдал сахиулах/

ҮҮСГЭН БАЙГУУЛАГЧ: Аршан Дабирсиаги, Жефф Вилиамс, СЕО: Алан Наумен

ХУВЬЦААНААС ОЛСОН АШИГ ОРЛОГО: 122 сая доллар

ТӨСВИЙН ОРЛОГО ЖИЛД: 25 сая доллар

ГОЛ ХӨРӨНГӨ ОРУУЛАГЧ: Acero Capital, Battery Ventures, General Catalyst, Warburg Pincus

 

2010 онд програм хангамжийн аюулгүй байдлын шинжээч, 52 настай Жефф Уильямс өөрийн зөвлөх компани болох “Aspect”-т зориулж програм хангамжийн аюулгүй байдлын хяналтыг автоматжуулах програм боловсруулж эхэлжээ. 2014 онд тэрээр Aspect-ийн шинжээч 36 настай Аршан Дабирсиагитай хамтран, аппликейшн доторх кодыг хянах, гарч болзошгүй сул талуудын талаар шууд олж мэдэн үүнийгээ аппликейшн хөгжүүлэгчдэд мэдэгдэх зорилгоор Калифорнид байрладаг Contrast Security компанийг байгуулжээ. "Өмнө нь заавал аюулгүй байдлын шинжээчдээр дамжуулж хийгддэг байсан ажил одоо шууд апп хөгжүүлэгчдийн гарт ирж байна" гэж компанийн ахлах эрдэмтэн Дабирсиагги хэлсэн байна. 2016 онд тус компани бизнесээ өргөжүүлэх үүднээс онлайн залилан илрүүлэх хэлтсийн гүйцэтгэх захирал Алан Науманныг ажилд авсан байна.

 

3.     CYBEREASON/Кибер аюулгүй байдал/

ҮҮСГЭН БАЙГУУЛАГЧ: Лиор Див (CEO), Ёосси Наар, Ёонатан Стрием Амит

ХУВЬЦААНААС ОЛСОН АШИГ ОРЛОГО: 189 сая доллар

ЖИЛИЙН ТӨСВИЙН ОРЛОГО:  50 сая доллар

ГОЛ ХӨРӨНГӨ ОРУУЛАГЧ: CRV, Lockheed Martin, Softbank, Spark Capital

 

Тус компанийг хамтран үүсгэн байгуулагч Лиор Див (CEO), Ёосси Наар, Ёонатан Стрием Амит нар Израилийн Батлан ​​хамгаалах хүчний тагнуулын хэсэг болох 8200-р ангид алба хааж байхдаа технологийн олон стартапуудын санааг дэвшүүлж байсан гэдэг. Цэргийн салбарт кибер аюулгүй байдлын чиглэлээр ажиллаж байхдаа тэд кибер аюулгүй байдлын дэвшилтэт технологи, аюул заналыг тасралтгүй хянах амар хялбар систем, ICloud дээр суурилсан кибер аюулгүй байдлын платформ болох Cybereason-ийн санааг дэвшүүлжээ. Тус компани 2012 онд байгуулагдаж, дараа жил нь Израилаас Бостон руу нүүсэн.

 

4.     DAVE/Санхүү, зээл/

ҮҮСГЭН БАЙГУУЛАГЧ: Парас Читракар, Жейсон Вилк (CEO), Жон Воланин

ХУВЬЦААНААС ОЛСОН АШИГ ОРЛОГО: 13 сая доллар

ЖИЛИЙН ТӨСВИЙН ОРЛОГО: 19 сая доллар

ГОЛ ХӨРӨНГӨ ОРУУЛАГЧ: Mark Cuban, Section 32

 

Жейсон Уилк Loyola Marymount их сургуулийн коллежийн оюутан байхдаа  банкны зээлүүдээр стартапын төсвөө бүрдүүлж байв. Тэрээр үүнээс нэг зүйл анзаарсан нь банкны зээл хэтрүүлэх асуудал хүмүүст ямар их хэцүү байдгийг олж мэдсэн явдал байв. Тиймээс 2016 онд Dave /David ийн товчилсон/ -ыг үүсгэн байгуулжээ. Тэгэхээр тус Апп нь зардлыг хянаж, хэрэглэгчийн данс хэтрэх, зээлийн хугацаа хэтрэх аюулд орохыг хэрэглэгчдэд анхааруулах үүрэгтэй гэнэ. Хамгийн гайхалтай нь Дэйв Апп 2017 оны 4-р сард Apple-ийн "өдөр тутмын шилдэг апп" аар тодорсон бөгөөд хоёр жилийн хугацаанд бараг 10 сая удаа татагдсан байна.

 

5.     DIVVY/Нябо, санхүүгийн тайлан/

ҮҮСГЭН БАЙГУУЛАГЧ: Блейк Муррай (CEO), Алекс Бин

ХУВЬЦААНААС ОЛСОН АШИГ ОРЛОГО: 257 сая доллар

ЖИЛИЙН ТӨСВИЙН ОРЛОГО: 8 сая доллар

ГОЛ ХӨРӨНГӨ ОРУУЛАГЧ: Insight Partners, New Enterprise Associates, Pelion Venture Partners  

 

Divvy бол бизнес эрхлэгчдэд зориулсан нягтлан бодох бүртгэл, зардлын менежментийн цогц шийдэл юм. Гол онцлог шинж чанарууд нь төлбөр тооцоо, захиалгыг удирдах, стратеги төсөв боловсруулах, зардлын автоматжуулсан тайлан гаргах, виртуал картыг бий болгох явдал юм. Юта мужид байрлах энэхүү компанийн үйлчилгээ нь ер нь бол ашиглахад үнэгүй бөгөөд нэг хэрэглэгчээс бүтэн төлбөр авахын оронд захиалгат мастер картуудыг хэрэглэгчиддээ санал болгодог бөгөөд хүмүүсийг програм дээр санхүүтэй холбоотой үйлдэл хийхэд мөнгөн шимтгэлийг тус картнаас нь банкинд суутгаж авдаг. Үүсгэн байгуулагчид (ахлах сургуулийн найзууд) болох 35 настай Алекс Бин, Блэйк Мюррей нар одоогоор WordPress, Evernote, Qualtrics зэрэг 3000 гаруй корпорацийн үйлчлүүлэгчдийг байлдан дагуулаад байна.

 

6.     DUOLINGO/Гадаад хэл/

ҮҮСГЭН БАЙГУУЛАГЧ:  Луй Вон Ахн (CEO), Северин Хакер

ХУВЬЦААНААС ОЛСОН АШИГ ОРЛОГО: 108 сая доллар

ЖИЛИЙН ТӨСВИЙН ОРЛОГО: 36 сая доллар

ГОЛ ХӨРӨНГӨ ОРУУЛАГЧ: CapitalG, Kleiner Perkins, Union Square Ventures

 

Дэлхийн хамгийн алдартай гадаад хэл сурах дижитал хэрэгсэл болох тус апп байгуулагдаад долоон жил болж байгаа бөгөөд сар бүр 28 сая нэн идэвхтэй хэрэглэгчтэй байдгаараа алдартай. Ихэнх хэрэглэгчид нь хэлний курсуудынх нь үнэгүй хувилбарыг ашигладаг. Хамгийн таатай нь тус апп нь өөрийн апп аар дамжуулж элдэв зар сурталчилгаа явуулдаггүй бөгөөд Duolingo Plus-ийн захиалгын төлбөрөөс олсон орлого энэ жил хоёр дахин нэмэгдэх төлөвтэй байна. Гүйцэтгэх захирал, 39 настай Луис фон Ахн 2006 оны Макартурын “суут ухаантан” буцалтгүй тусламжийн үүсгэн байгуулагч, Карнеги Меллон-ы компьютерийн ухааны профессор юм. Питтсбургт байрладаг өнөөдрийн энэ амжилттай Дуолингог байгуулахаасаа өмнө тэрээр Google-д хоёр бүтээлээ зарж борлуулж байжээ. Тэрээр Гватемала хотоос ирсэн цагаач гэр бүлээс гаралтай бөгөөд англи хэл сурсан нь түүний амьдралыг ихээхэн өөрчилсөн гэж үздэг гэнэ. Тиймээс олон нийтэд үнэ төлбөргүй гадаад хэлний боловсрол олгохыг зорьж, энэхүү аппликейшн-г бий болгосон байна.

 

7.     FAIRE/Онлайн худалдаа/

ҮҮСГЭН БАЙГУУЛАГЧ: Марселло Кортес, Даниело Перито, Макс Ротес (CEO)

ХУВЬЦААНААС ОЛСОН АШИГ ОРЛОГО: 116 сая доллар

ЖИЛИЙН ТӨСВИЙН ОРЛОГО: 100 сая доллар

ГОЛ ХӨРӨНГӨ ОРУУЛАГЧ: Forerunner Ventures, Khosla Ventures, Lightspeed Venture Partners, Y Combinator 

 

Амазоны эрин үе буюу онлайн худалдааны энэ үед үйлчилгээний чанар, хурдыг дэмжих зорилгоор Faire ийг үүсгэн байгуулсан бөгөөд энэ нь бөөний худалдан авалтаас гарах эрсдэл, бэрхшээлийг даван туулахад туслалцаа үзүүлдэг байна. Сан Францискод төвтэй тус компани нь жижиглэн худалдаачдад онлайнаар шинэ бүтээгдэхүүн нээх, худалдах, худалдан авахад нь тусалдаг бөгөөд зарагдаагүй барааг 60 хоногийн дотор үнэгүй буцаан татах боломж олгодог байна. Өнөөдөр тус компани 35000 дэлгүүрт нийт 5000 брэндийг санал болгодог байна.

 

8.     FIGMA/Дизайн, загвар зохион бүтээх/

ҮҮСГЭН БАЙГУУЛАГЧ: Дилан Фиелд (CEO), Эван Уоллес

ХУВЬЦААНААС ОЛСОН АШИГ ОРЛОГО: 83 сая доллар

ЖИЛИЙН ТӨСВИЙН ОРЛОГО: 3 сая доллар

ГОЛ ХӨРӨНГӨ ОРУУЛАГЧ: Greylock, Index Ventures, Kleiner Perkins, Sequoia

 

Figma нь дизайнеруудад хамгийн сайн тохирно. Энэхүү компани нь дизайныг онлайн хэлбэрт шилжүүлж, програм хангамж татаж авах, хуучин загварыг шинэчилж, дизайнеруудад хамтран ажиллах боломжийг би болгож өгдөг. Үүсгэн байгуулагч 29 настай Эван Уоллес, 27 настай Дилан Фиелд нар Браун Их Сургуульд танилцаж, Уоллес сургуулиа төгсөж, Фиелд сургуулиа орхисон боловч 2012 онд Сан-Францискод төвтэй энэхүү компанийг хамтран байгуулжээ. Байгуулагдсанаас таван жилийн дараа Figma-г жинхэнэ нарийн мэргэжлийн хүмүүс ашиглаж эхлэх болжээ. Өнөөдөр мэргэжлийн хүмүүс сард 12 доллар, бизнес эрхлэгчид сар бүр 45 доллар төлж Figma-г ашигладаг. Майкрософт, Вольво, Убер, Скуэр зэрэг компаниудын 5000 гаруй баг хэрэглэгчид Figma-г ашигладаг.

 

9.     FOURKITES/Хүргэлт, ачаа тээвэр/

ҮҮСГЭН БАЙГУУЛАГЧ: Арун Чандрасекаран, Матт Эленжиккал (CEO)

ХУВЬЦААНААС ОЛСОН АШИГ ОРЛОГО: 101 сая доллар

ЖИЛИЙН ТӨСВИЙН ОРЛОГО: 16 сая доллар

ГОЛ ХӨРӨНГӨ ОРУУЛАГЧ: August Capital, Bain Capital Ventures, Hyde Park Venture Partners

 

АНУ-ын Баруун хойд мужын Келлогг менежментийн Их Сургуулд Бизнесийн удирдлага, логистикоор мэргэжил эзэмшсэн 37 настай Мэтт Эленжиккал компаниудад хүргэлт нь хаана, хэзээ ирэх, юу болж байгааг мэдэхэд нь туслах зорилгоор FourKites-ийг 2014 онд байгуулжээ. Энэхүү менежментийн урьдчилан таамаглах програм хангамжийг одоо дэлхийн шилдэг 260 гаруй ачаа түгээлт, каргоны компаниуд ашигладаг бөгөөд өдөрт 500,000 гаруй ачааг хариуцан ажилладаг бөгөөд үүнд Best Buy, Kraft Heinz, Nestlé, Smithfield Foods багтдаг.

 

10.  FRONT/И-майл, сошиал/

ҮҮСГЭН БАЙГУУЛАГЧ: Матилде Коллин (CEO), Лаурент Перрин

ХУВЬЦААНЫ АШИГ: 79 сая доллар

ЖИЛИЙН ТӨСӨВ: 16 сая доллар

ГОЛ ХӨРӨНГӨ ОРУУЛАГЧ: Sequoia, Uncork Capital

 

Форбс сэтгүүлийн 30-аас доош насны амжилттай эрхмүүдийн жагсаалтыг тэргүүлэгч Матильда Коллин сургуулиа төгссөний дараа хамгийн анхны ажлаа аваад байхдаа энэхүү гарааны бизнесийнхээ санааг олж авсан байдаг. "Хүмүүс имэйлээ цэгцэлж байхдаа хичнээн их цаг хугацаа алддагийг би тооцоолсон" гэж тэр хэлэв. Тиймээс тэрээр 2013 онд Сан-Францискод төвтэйгөөр тус гарааны бизнесээ эхлүүлжээ.  Үүний зорилго нь компаниудад Facebook, Twitter, SMS зэргийг багтаасан, дундын имэйлийг санал болгож илүү үр бүтээлтэй ажиллахад нь туслах зорилготой гэнэ. Өнөөдөр Front нь Shopify, MailChimp, Stripe зэрэг компанийн нийт 5000 үйлчлүүлэгчтэй болжээ.

 

11.    FUBOTV/Суваг, долгион/

ҮҮСГЭН БАЙГУУЛАГЧ: Санг Хо Чой, Дэвид Гандлер (CEO), Алберто Хорихуэла  

ХУВЬЦААНЫ АШИГ: 145 сая доллар

ЖИЛИЙН ТӨСӨВ : 74 сая доллар

ГОЛ ХӨРӨНГӨ ОРУУЛАГЧ: 21st Century Fox, Northzone, Sky

 

Олон жилийн турш сүлжээний борлуулалт хийж байсан 44 настай Дэвид Гандлер АНУ-д хөлбөмбөгийн лигийн эрэлт хэрэгцээ их байгаа тул 2015 онд FuboTV сувгийг нээхээр шийдсэн байдаг. FuboTV нь Ривер ТВ, Бенфика ТВ зэрэг хөлбөмбөгийн сувгуудыг шууд дамжуулалт хийхийг санал болгож, дараа нь beIN Sports, Univision компаниудтай гэрээ байгуулан нэвтрүүлгээ илүү өргөжүүлэв. Өнөөдөр Нью-Йоркт төвтэй FuboTV нь ерөнхийдөө 90 гаруй суваг санал болгодог кабелийн хямд өртөгтэй гайхалтай сонголтуудын нэгт зүй ёсоор тооцогдох болсон байна.

 

12.  GROVE COLLABORATIVE/Брэнд, хүргэлт/

ҮҮСГЭН БАЙГУУЛАГЧ: Крис Кларк, Стуарт Ландесберг (CEO), Жордан Саваж

ХУВЬЦААНЫ АШИГ: 213 сая доллар

ЖИЛИЙН ТӨСӨВ: 104 сая доллар

ГОЛ ХӨРӨНГӨ ОРУУЛАГЧ: Bullpen Capital, General Atlantic, Lone Pine Ventures, Mayfield Fund, Norwest Venture Partners, Serious Change

 

Grove Collaborative-ийн гүйцэтгэх захирал 34 настай Стюарт Ландесберг нь өөрөө тус брэндийн үнэнч хэрэглэгчийн нэг гэнэ. Өнөөдөр онлайн худалдаа хүчээ авч, энгийн дэлгүүрийн бараанаас ашиг орлогоороо илүү тэргүүлж байгаа хэдий ч түүний үүсгэн байгуулсан тус компани нь зар сурталчилгаанд тийм ч их мөнгө заралгүйгээр оригналаараа дэлгүүрийн лангуун дээр худалдаалагдаж, онлайн худалдаатай тэнцэхүйц орлого олдог байна. Түүний ашиг орлогын 60 хувийг онлайн бус худалдаанууд эзэлдэг. 2016 онд тэрээр өөрийн байгалийн гаралтай бүтээгдэхүүнийг бий болгож онлайн дээр заруулж байгаа бөгөөд бараанууд нь үргэлж 50% хямдарсан байдаг байна. Гэсэн хэдий ч ашиг орлого нь унадаггүй байна. Тэрээр үүнийгээ тайлбарлахдаа бүтээгдэхүүний загвар, хэмжээ, үзэмж хамгийн чухал байдаг. Тэрээр жишээ өолгож хэлэхдээ тэдний цэвэрлэгч саван нь оо –ны бөглөөнөөс ч жижгхэн авч явахад хялбар байдаг гэдгийг дурджээ.  

 

13.  KONG/Код, Платформ/

ҮҮСГЭН БАЙГУУЛАГЧ: Августо Мариети (CEO), Марко Паладино

ХУВЬЦААНЫ АШИГ: 71 сая доллар

ЖИЛИЙН ТӨСӨВ: 5 сая доллар

ГОЛ ХӨРӨНГӨ ОРУУЛАГЧ: Andreessen Horowitz, CRV, Index Ventures, New Enterprise Associates

 

Конг-ийг компаниудын API-ийн хаалгачаар ажилладаг гэж егөөдөж хэлэх нь ч бий. Учир нь тэд код хөгжүүлэгчид бөгөөд програм бүтээх зорилготой ашиглагддаг байна. 31 настай Аугусто Мариетти, 30 настай Марко Палладино нар нэг их сургуульд сурч байсан бөгөөд Милан дахь машины гарашандаа анх компаниа үүсгэн байгуулж байсан бөгөөд хөрөнгө босгохоор Цахиурын хөндий рүү байнга нааш цааш нисдэг байжээ. Мариетти "Тэр үед бидэнд хоол идэх мөнгөтэй үе бараг л байсангүй" гэж хэлэв. "Бид анх ажлаа эхлэхдээ өлсөхийн эрхэнд хэдэн фунт хассан." Одоо Сан Франциско хотод байрладаг Конг нь SoulCycle, Yahoo Japan, WeWork зэрэг 130 компанийн үйлчлүүлэгчтэйгээр аж ахуйн нэгжийн зах зээлд амжилттай нэвтэрч чадсан байна.

 

14.  LATTICE/Хүний нөөц, ажлын байр/

ҮҮСГЭН БАЙГУУЛАГЧ: Жак Алтман (CEO), Эрик Кослов

ХУВЬЦААНЫ АШИГ: 27 сая доллар

ЖИЛИЙН ТӨСӨВ: 7 сая доллар

ГОЛ ХӨРӨНГӨ ОРУУЛАГЧ: Shasta Ventures, Thrive Capital

Тус компанийг үндэслэгч 30 настай Жак Алтман, 28 настай Эрик Кослоу нар хэрэглэгчдэд тохируулан өөрчилсөн подволк зардаг Teespring стартап дээр ажиллаж байхдаа ажлын соёл бусдад хэрхэн хүчтэй нөлөөлдгийг өөрсдийн биеэр мэдэрсэн байдаг. 2015 онд тэд энэ талаар ямар нэгэн зүйл хийхээр шийдсэн бөгөөд Lattice-ийг эхлүүлэхээр шийджээ. Сан Франциско хотод байрладаг тус компанийн хүний ​​нөөцийн програм хангамж нь ажилчид дээр суурилан хийсэн судалгаагаа ашиглан ажилчдыг үнэлэн ажил мэргэжлийн хөгжлийг бий болгодог байна. Өнөөдөр Lattice нь Coinbase, Instacart, Slack, WeWork зэрэг 1300 хэрэглэгчидтэй хамтран ажилладаг. "Ажилчид урьд урьдынхаас илүү их утга учир хайж, бусад ажлуудад урьд өмнө хэзээ ч хийж байгаагүйгээрээ сэтгэлээсээ хандах боломжтой болсон" гэж Алтман хэлэв.

 

15.  NEXT TRUCKING/Карго, ачаа тээвэр/

ҮҮСГЭН БАЙГУУЛАГЧ: Элтон Чунг, Лидиа Янг (CEO)

ХУВЬЦААНЫ АШИГ: 125 сая доллар

ЖИЛИЙН ТӨСӨВ: 46 сая доллар

ГОЛ ХӨРӨНГӨ ОРУУЛАГЧ: Brookfield Ventures, China Energy Group, Sequoia

 

2015 онд эхнэр, нөхөр Элтон Чунг, Лидия Ян нар Лос Анжелес хотод байрладаг Next Trucking компанийг хамтран байгуулсан бөгөөд тус компани нь ачааны зуучлалыг онлайнаар явуулдаг. Convoy, Uber Freight гэх мэт бусад стартапууд А цэгээс В цэг хүртэл ачаа зөөдөг бол Next Trucking нь өөр бусад цэгээс болон боомтоос агуулахад бараа шилжүүлэх боломжийг бий болгодог.  Үүний үр дүнд Next Trucking нь 2016 оноос хойш ашиг орлогоо жил бүр хоёр дахин нэмэгдүүлж, 2018 онд 46 сая долларт хүрсэн байна. Dollar General, Rite Aid, Steve Madden зэрэг жижиглэнгийн худалдаачидтай хийсэн томоохон гэрээнүүдийг үүнд дурдах нь зүйтэй.

 

16.  PATREON/Урлаг, уран бүтээлчид/

ҮҮСГЭН БАЙГУУЛАГЧ: Жек Конте (CEO), Сам Яам

ХУВЬЦААНЫ АШИГ: 166 сая доллар

ЖИЛИЙН ТӨСӨВ: 35 сая доллар

ГОЛ ХӨРӨНГӨ ОРУУЛАГЧ: Freestyle Capital, Glade Brook Capital Partners, Index Ventures, Thrive Capital

 

Хөгжимчин мэргэжилтэй ч бизнес эрхлэгч болохоор шийдсэн 35 настай Жек Конте нь уран бүтээлчдэд тогтмол орлого олоход нь туслах зорилгоор энэхүү стартапийг үүсгэсэн байна. "Уран бүтээлч болохоор шийдэхдээ мөнгө олохгүй бол яанаа гэж хэн ч санаа зовох ёсгүй" гэж Конте хэлэв. Патреоныг ашиглан уран бүтээлчид захиалагчид эсвэл "үйлчлүүлэгчид" -ийн оруулсан, асуусан зүйлсийн хариуд өөрсдийн уран бүтээлийг санал болгох боломжтой. HBO-ийн Исса Рае, Нью Йоркийн үүсгэн байгуулагч Брэндон Стэнтон, хошин шогч Хизер Макдональд нар одоогоор Патреоныг ашиглаж байгаа уран бүтээлчид бөгөөд 2019 он гэхэд тус компанид нийт нэг тэрбум гаруй доллар төлөхөөр төлөвлөгдсөн байна.

 

17.    PROXY/Цахим цүнх/

ҮҮСГЭН БАЙГУУЛАГЧ: Денис Марс (CEO), Саймон Ратнер

ХУВЬЦААНЫ АШИГ: 14 сая доллар

ЖИЛИЙН ТӨСӨВ: 1 сая доллар

ГОЛ ХӨРӨНГӨ ОРУУЛАГЧ: Kleiner Perkins

 

Proxy аппликейшн нь ухаалаг гар утасны тань түлхүүр л гэсэн үг. Таны профайлын дохио таныг аль ч барилгад нэвтрэх боломжийг олгох бөгөөд тус апп дээр таны бичиг баримт түгжээтэй байх юм. Энэхүү апп нь уламжлалт иргэний үнэмлэх, цаасан бичиг баримт, түлхүүрийн хэрэгцээг арилгана. Австралиас ирсэн гадаадын иргэд болох 42 настай Денис Марс, 39 настай Саймон Ратнер нар энэхүү санааг бодож олон шууд хэрэгжүүлсэн гэнэ. Одоогийн байдлаар Сан-Францискод байрладаг Proxy нь WeWork гэх мэт үл хөдлөх хөрөнгийн үйлчлүүлэгчдийн дунд маш түгээмэл хэрэглэгддэг. Марс, Ратнер нар өөрсдийн технологийг (апп, менежментийн платформ, дохио унших техник хангамжийг багтаасан) олон улсын аялал, үйл явдлын бүртгэлд ашиглах зэрэг хүртэл улам өргөжүүлнэ гэж найдаж байна.

 

18.  REMITLY /Мөнгөн гуйвуулга/

ҮҮСГЭН БАЙГУУЛАГЧ: Шиваас Гулати, Жош Хаг, Матт Опенхеймэр(CEO)

ХУВЬЦААНЫ АШИГ: 312 сая доллар

ЖИЛИЙН ТӨСӨВ: 80 сая доллар

ГОЛ ХӨРӨНГӨ ОРУУЛАГЧИД: Bezos Expeditions, DFJ Venture Capital (now Threshold Ventures), Generation Investment Management, Naspers’ PayU, QED Investors, Stripes Group

 

Remitly нь Western Union-ий бага төлбөртэй хувилбар гэж хэлж болно. Western Union компанийн мөнгө тооцон авах 5% -тай харьцуулахад тус компанийх дунджаар 1.5% байна. Кени улсын Barclays компанид ажиллаж байсан Мэтт Оппенхаймер болон түүний хамтран зүтгэгчид АНУ, Австрали зэрэг өндөр хөгжилтэй орнуудад ажиллаж амьдардаг Мексик, Филиппин зэрэг хөгжиж буй орнуудын цагаачид хамаатан садандаа хямд өртгөөр мөнгө илгээхэд нь туслах зорилгоор 2011 онд бизнесээ эхлүүлжээ. Өнөөдөр Remitly нь 60 улс оронд зөвшөөрөгдсөн бөгөөд жилд 6 тэрбум долларын мөнгөн гуйвуулгыг хийдэг байна. Энэ нь 700 тэрбум орчим долларын шилжүүлгийн зах зээлийн 1% орчимтой тэнцэх юм.

 

19.   REDIS LABS/Мэдээллийн сан, хурд/

ҮҮСГЭН БАЙГУУЛАГЧ: Офер Бенгал(CEO), Ифтак Шоулман

ХУВЬЦААНЫ АШИГ: 147 сая доллар

ЖИЛИЙН ТӨСӨВ: 50 сая доллар

ГОЛ ХӨРӨНГӨ ОРУУЛАГЧ: Bain Capital Ventures, Francisco Partners, Goldman Sachs, Viola Ventures 

 

Израилийн технологийн ахмад дайчид хэмээн нэрлэгддэг Офер Бенгал, Йифтач Шоулман нар 2011 онд апп зохион бүтээгч компаниудад зориулан програмынх нь хариу үйлдлийг түргэсгэх зорилгоор мэдээллийн сангийн хурд болох энэхүү гарааны бизнесээ эхлүүлжээ. Redis Labs нь уламжлалт загваруудаас илүү хурдан мэдээлэл цуглуулдаг байна. Тус кампанийн амжилт нь FedEx, Mastercard болон бусад корпорациудтай гэрээ байгуулж чадсан явдал юм. Калифорнид байрладаг Mountain View компани хурдыг ихэсгэхийн тулд эхлээд хөгжүүлэгчдэд үнэгүй, нээлттэй эх хувилбар санал болгосон байдаг. 2013 оноос эхлэн нэг гигабайт тутамд сард 5 доллараас эхлэн төлбөртэй ашиглах хувилбарыг гаргасан.

 

20.  RIGUP/Холбогч, газрын тос/

ҮҮСГЭН БАЙГУУЛАГЧ: Хуан Янг(CEO), Майк Витт

ХУВЬЦААНЫ АШИГ: 94 сая доллар

ЖИЛИЙН ТӨСӨВ: 21 сая доллар

ГОЛ ХӨРӨНГӨ ОРУУЛАГЧ: Bedrock Capital, Founders Fund, Quantаm Energy Partners

 

АНУ-д газрын тос, хийн өрөмдлөгийн өрөмдлөг хийдэг 1000 гаруй худаг байдаг. Худаг тус бүрт олон арван үйлчилгээний компаниуд, ажилчдад оролцоо шаардагддаг. Энэхүү RIGUP компанийн үүсгэн байгуулагч Хуан Янг, Майк Витт нар нь онлайн платформ бий болгосон бөгөөд энэхүү платформ нь газрын тос, байгалийн хий олборлолтын үйл ажиллагаа явуулдаг компаниуд болон үйлчилгээг түгээх үйлчилгээний компаниудыг хооронд нь холбох үүрэгтэй юм. RigUp нь ажилчид, борлуулагчиддаа урьдчилсан байдлаар хяналт тавьдаг бөгөөд онлайн платформоор дамжуулан хийсэн гэрээ бүрд 4% -ийн хөнгөлөлт үзүүлдэг байна.

 

21.  ROTHY’S/Гутлын брэнд/

ҮҮСГЭН БАЙГУУЛАГЧ: Стефан Хафторнтвайт, Рот Мартин (CEO)

ХУВЬЦААНЫ АШИГ: 42 сая доллар

ЖИЛИЙН ТӨСӨВ: 140 сая доллар

ГОЛ ХӨРӨНГӨ ОРУУЛАГЧ: Goldman Sachs, Lightspeed Venture Partners

 

Галерейн үүсгэн байгуулагч Рот Мартин, хөрөнгө оруулалтын банкир Стивен Хавторнтвайт (өөрөөр хэлбэл "Хавти") нарт эхнэрүүд нь загварлаг,  хөлд эвтэйхэн гоё гутал байхгүй талаар гомдол мэдүүлсэн тэр өдрөөс энэхүү бизнесийн санаагаа олсон гэдэг. Энэхүү стартап нь хамгийн загварлаг, хөлд эвтэйхэн, мөн байгалд ээлтэй гутал борлуулах зорилготой гутлын брэнд юм. Дахин боловсруулсан хуванцар саваар хийсэн Rothy-ийн 3D сүлжмэл гуталнууд үнэхээр олон сая үйлчлүүлэгчдийг байлдан дагуулж чаджээ. Гуравхан жилийн хугацаанд хэрэглэгчдэд шууд онлайнаар борлуулалт хийхийг санал болгосноор үйл ажиллагаагаа хурдацтай өргөжүүлж, өнгөрсөн онд 140 сая долларын орлого олжээ.

 

22.  SIGNALFX /Өгөгдөл цуглуулах/

ҮҮСГЭН БАЙГУУЛАГЧ: Филиф Лиу, Картик Рау(CEO)

ХУВЬЦААНЫ АШИГ: 179 сая доллар

ЖИЛИЙН ТӨСӨВ: 25 сая доллар

ГОЛ ХӨРӨНГӨ ОРУУЛАГЧ: Andreessen Horowitz, CRV, General Catalyst, Tiger Global Management

 

SignalFx нь Yelp, Shutterfly, HubSpot зэрэг компаниуд нь ICloud –ийн дэд бүтцийг хянаж байдаг. 2013 онд өмнө нь LoudCloud, VMware гэх мэт технологийн гарааны бизнесүүдэд гардан ажиллаж байсан 41 настай Картик Рау уг компанийг Facebook-ийн экс програм хангамжийн архитектор 51 настай Филлип Люгийн хамт байгуулжээ. Тэдний өрсөлдөгч компаниуд өгөгдлийг 2-3 минутанд цуглуулдаг бол SIGNALFX нь мэдээллийг 5 секундад цуглуулах чадалтай гэнэ.

 

23.  SYNTHEGO/Биотехнологи/

ҮҮСГЭН БАЙГУУЛАГЧ: Паул Дабровски(CEO), Майкл Дабровски

ХУВЬЦААНЫ АШИГ: 157 сая доллар

ЖИЛИЙН ТӨСӨВ: 20 сая доллар

ГОЛ ХӨРӨНГӨ ОРУУЛАГЧ: Founders Fund, 8VC

 

Генийг засварлах хэрэгсэл Криспр нь ДНХ-г хямд бөгөөд хялбархан засварлах замаар шинэ бүтээгдэхүүн үйлдвэрлэх алтан боломжийг олгож байлаа. Харин Synthego нь геномик эквиваленттай хэрэгслийг бий болгодог байна. Synthego нь хүний ​​эрүүл мэндийг сайжруулахын тулд шинжлэх ухааны судалгаа, хөгжүүлэлтийг хурдасгах боломжийг олгодог геномын инженерийн компани юм. Тус компани нь биологийн шинжлэх ухаанд өргөн цар хүрээтэй ашиглагдах платформуудыг бий болгодог. Үүнийг үндэслэгчид болох 34, 38 настай ах, дүү Пол, Майкл Дабровски нар өмнө нь SpaceX-т инженерээр ажиллаж байсан бөгөөд биотехникт шинэ сэтгэлгээг бий болгох төсөл дээр ажиллаж байжээ.

 

24.  TRUEPILL/Эмийн сан/

ҮҮСГЭН БАЙГУУЛАГЧ: Умар Априди(CEO), Сид Висванатан

ХУВЬЦААНЫ АШИГ: 13 сая доллар

ЖИЛИЙН ТӨСӨВ: 48 сая доллар

ГОЛ ХӨРӨНГӨ ОРУУЛАГЧ: Initialized Capital

 

Хэрэв та Nurx-ээс жирэмсний хяналтанд орох дараалал авбал, эсвэл Hims-ээс үс уналтын бүтээгдэхүүн худалдаж авахаар болбол Truepill эмийн сан таны эмчийн зааврыг бөглөж, таны захиалсан бүтээгдэхүүнийг хүргэж өгөх болно. Үүсгэн байгуулагдаад гурван жил болж байгаа тус стартап компанийг үүсгэн байгуулагчид болох 37 настай Умар Афридди /жижиглэнгийн эм зүйч/, өмнө нь Johnson & Johnson, LinkedIn-д ажиллаж байсан 35 настай Сид Вишванатан нар эмийн сангийн үйлчилгээнд технологи дутаж байгааг ажигласан бөгөөд энэ асуудлыг шийдсэнээр олон сая долларын ашиг хийж болохыг олж харсан байна.

 

25.  VERKADA/Аюулгүй байдал/

ҮҮСГЭН БАЙГУУЛАГЧ: Бенжами Берковитз, Филиф Кализсан(CEO), Жеймэс Рен, Ханс Робертсон

ХУВЬЦААНЫ АШИГ: 59 сая доллар

ЖИЛИЙН ТӨСӨВ: 20 сая доллар

ГОЛ ХӨРӨНГӨ ОРУУЛАГЧ: First Round, Meritech, Next47, Sequoia 

 

Веркада нь хувь хүний ​​бүхий л илэрхийлэмжийг нэгтгэн үзэх, бусдын алхам бүрийг сканнердах чадамжтай аюулгүй байдлын систем юм. Одоогоор тус компанийн камерийг 2500 үйлчлүүлэгч ашиглаж байна. Тус компанийн аюулгүй байдлын системжүүлэлтийг сургууль цэцэрлэгт нэн тохиромжтой гэж үзсэн байна.