Өөрийгөө олж мэдэх, хөгжүүлэхэд бусад амжилттай яваа хүмүүсийн давуу тал ба дадлыг ажиглах нь тус болдог . Амжилтад хүрсэн  хүмүүс нэг шөнийн дотор амжилтыг бий болгоогүй бөгөөд энэ нь санамсаргүй байдлаар ч тохиолдоогүй юм. Энэ нь харагдаж байгаагаасаа хэцүү байдаг.

Амжилтад хүрсэн хүмүүс амжилтын дадал зуршлаа өдөр тутмын амьдралын нэг хэсэг болгон хийсээр байдаг бөгөөд ингэснээр амжилтанд хүрэх нь амьдралын хэв маяг болж хувирдаг. Эдгээр хүмүүсийн хамгийн чухал ДАВУУ ТАЛ болон ДАДЛААС суралцъя.

1.ТЭДНИЙ СЭТГЭЛГЭЭ, ХҮСЭЛ ЭРМЭЛЗЭЛ НЬ АМЖИЛТ РУУ ЧИГЛЭСЭН БАЙДАГ.

Тэд амжилтад хүрэх хүсэл эрмэлзэлээр дүүрэн байдаг. Тэд өсөлтийг тэсэн ядан хүлээж, энгийн хүнээс илүү их зүйлийг хийх гүн гүнзгий хүсэл эрмэлзэлтэй байдаг. Эдгээр хүмүүс эерэг өөрчлөлт хийхийн тулд ая тухтай байдлаасаа гарахад бэлэн байдаг. Тэдний оролдлого бүтэлгүйтсэн ч гэсэн тэд эргэн тойрныхоо боломжуудыг хурдан олж харж, шинэ чиглэл рүү шилждэг.

Нөгөө талаар бүтэлгүйтсэн хүмүүс ялагдсанаа мэдэрч, гараа өргөж хэтэрхий хурдан бууж өгдөг.

 2. ТЭД ӨӨРСДИЙГӨӨ МЭДДЭГ, ӨӨРТӨӨ ИТГЭДЭГ.

Амжилтад хүрсэн хүмүүс итгэл үнэмшилтэй нүүр тулж, өөрийн мэдлэг ур чадвартаа итгэдэг. Хэдийгээр тэд анх бүгдийг эхлэхдээ чадвар, мэдлэг хомс байсан ч гэсэн бэрхшээлийг үл харгалзан тэд урам зоригоор дүүрэн амжилт өөд тэмүүлдэг. Тэд маш хүчтэй дотоод мэдрэмжтэй байдаг бөгөөд энэ нь өөртөө илүү хүчтэй амлалтыг бий болгодог. Тэд бусадтай харилцаж, санал бодлоо хуваалцах дуртай.

Өөртөө итгэлгүй хүмүүс бусадтай нээлттэй байж, ярилцахыг хүсдэггүй бөгөөд энэ нь тэднийг боломжоо алдахад хүргэдэг.

3. ТЭД АЛСЫН ХАРААТАЙ, АМЖИЛТАД ЧИГЛЭСЭН БАЙДАГ.

Амжилтад хүрсэн хүмүүс зорилгодоо хүрэхийн тулд тодорхой алсын харааг бий болгож, түүнийгээ  биелүүлэхийн тулд өдөр бүр хичээдэг бөгөөд тэдэнд ямар ч зүйл саад болж чаддаггүй. Хүчтэй алсын хараа нь тэднийг урам зориг, зорилгодоо хүрэхэд чиглүүлж өгдөг. Тэд жижиг зорилгоо эхэлж дэвшүүлээд дараа нь илүү том, зоримог үйлдэл рүү шилждэг. Ингэснээр тэд том зорилгодоо хүрэх  бүрэн боломжтой болдог.

Амжилтад хүрээгүй хүмүүс ихэвчлэн тодорхой бус, ашиггүй, буруу ойлголттой байдаг тул тэд зорилгодоо хүрэхийн тулд цаг хугацаа, мөнгөө үрэх эсвэл бүр зорилгоо бүрэн орхидог.

4. ТЭД ЦАГ ХУГАЦААГ УХААЛГААР ҮНЭЛДЭГ.

Амжилтад хүрсэн хүмүүс туйлын үр бүтээлтэй байдаг. Тэд цаг заваа ухаалгаар үнэлж, ашигладаг бөгөөд үр ашиггүй цаг заваа үрэхийг зөвшөөрдөггүй. Цаг хугацаа бол тэдний хамгийн чухал хөрөнгө гэдгийг тэд тодорхой ойлгодог.

Амжилтад хүрээгүй хүмүүс үр ашиггүй зүйлд цаг заваа үрэн таран хийдэг. Тиймээс тэдэнд гагцхүү орлого багатай байх боломж л ирдэг.

5. ТЭД ҮҮНИЙГ ЭЗЭМШДЭГ.

Амжилтад хүрсэн хүмүүс өрсөлдөөнөөс гадна өөр бизнес, брэндийн суурийг бий болгодог. Тэд өөрсдийн бизнес, брэндийг бүрэн эзэмшдэг бөгөөд энэ нь амжилтад хүрэх гарцуудаа хялбархан нэмэгдүүлэх боломжийг олгодог.

Амжилтгүй өрсөлдөгчид нь бусадтай адил зүйлийг хийдэг, амжилтад хүрэх төлөвлөгөө байхгүй эсвэл амьд үлдэхийн тулд л хийдэг.

6. ТЭД ДУНДАЖ ХҮНЭЭС ӨӨРӨӨР СЭТГЭДЭГ.

Амжилтад хүрсэн хүмүүс өөрөөр сэтгэдэг. Тэд нэг буюу түүнээс дээш алхмын цаад ирээдүйг харж, боломжуудыг хайсаар байдаг. Тэд хайрцагнаас гадуур сэтгэж, бизнес хийх бүтээлч, шинэлэг аргыг эрж хайдаг.

Амжилтад хүрээгүй хүмүүс олон түмнийг дагаж, эсвэл бусад хүмүүсийн санаа бодлыг хуулбарлахыг хүлээдэг тул өрсөлдөөнөөс нэг алхам доор үлддэг.

7. ТЭД ХИЙЖ БУЙ ЗҮЙЛДЭЭ ДУРТАЙ.

Амжилтад хүрсэн хүмүүс ажлыг ажил гэж боддоггүй. Тэд бизнесээ эрхэлж, амьдрахын тулд хийж буй зүйлдээ дуртай байдаг. Энэ нь тэдэнд амжилтад хүрэх аз жаргал, мэдрэмжийг өгдөг.

Амжилтад хүрээгүй хүмүүс ажлыг амьд үлдэхийн тулд хийдэг бөгөөд тэд зүгээр л мөнгө олохын тулд ажилладаг. Ихэнх нь амьдрахын төлөө хийж буй зүйлдээ сэтгэл хангалуун байж чаддаггүй байна.